Anne of the Island eftir kanadíska rithöfundinn L. M. Montgomery er þriðja skáldsagan í röðinni um Anne Shirley. Anne yfirgefur nú Avonlea í bili og heldur til náms við Redmond College í Kingsport. Þar halda ævintýrin áfram. Með vinkonurnar Prissy Grant og Philippu Gordon sér við hlið kveður Anne æskuárin og byrjar að lifa lífinu á eigin forsendum. Rithöfundardraumarnir fara á flug, sorglegur atburður kennir henni erfiða lexíu, og ástin kemur við sögu.